講戲、鏟戲、片戲

邱禮濤執導「Laughing哥」電影

Picture

圖片來源:TVB Blog

無線剛播畢的劇集《學警狙擊》,令從事演藝行業廿多年的謝天華從谷底反彈,除了令他於劇中角「Laughing哥」梁笑棠於徇眾要求下「起死回生」後,還令他將接拍以「Laughing哥」為題材的電影。

「Laughing哥」題材電影於昨天在謝天華接受《志雲飯局》訪問時曝光,電影將會是無線與邵氏的合作。據今天《蘋果日報》報導指出,該片將由邱禮濤執導,並於五月開拍,預計於八月暑假檔期上映。

演員組合方面,謝天華順理成章地飾演「Laughing哥」一角,至於其他參演者則以電影演員為主,橋段則跟《學警狙擊》劇集相連。

從電視劇集拍畢後再拍電影的例子在港不多,不過在日本卻十分流行,去年在港賣座電影《神探伽俐略》便屬於這個類型。謝天華最近期上映的電影已將近四年前的《凶男寡女》,今回也許算是他再重返影壇的機會。於《學》劇拍畢後即時開拍相關人物電影也許惹來多一點注意,可是最終電影成績如何還要觀乎劇本或演員表現才能判斷。

Previous

MP3機何以不能帶進戲院?

Next

《金錢帝國》新版海報曝光

29 Comments

  1. 歴蘇

    「Laughing哥」其實即係當年「大天ニ」的延續… 我希望邱sir會拍個三級版嘅, 更寸, 更暴カ!

  2. 個零月起劇本,三個零月拍攝加後期,會唔會急咗啲呀?
    同埋,想問下,邵氏係咪好耐冇拍片o架喇?

  3. Eddie

    邵氏Logo好耐無見啦

  4. P仔

    大婆台永遠都係係唔識見好就收,失望

  5. 迷逃小書童華安

    會唔會出番傳統「邵氏logo」先!!!!

    係就好喇!!!

  6. nbachung

    ryan.估唔到邱禮濤都肯接.完全唔睇好.陳志雲擺明想博偷雞收得.下個月open.8月上揾王晶拍重快手啦.唔信劇本會好得去邊..看吓到時票房點扑.

  7. 余小明

    雖然話謝天華近年都係拍電視劇,但不致於去到谷底咁誇張呀,拍電影劇好失禮咩,話晒佢有觀眾緣吖!

  8. 導演係熟手技工, 你同佢定啦

  9. 跑馬地的月光(係咪咁既名?)算唔算係電視收得拍電影版…

  10. pug

    黃子華的電視劇高收視
    《男親女愛》49點 《棟篤神探》39點
    但電影做主角
    男歌女唱 / 一蚊雞保鑣 / 情意拳拳
    票房就…
    電視高收視同電影高票房是反比的…
    Laughing 哥金句
    上帝要你滅亡 , 必先令你瘋狂!

  11. 余小明

    唔好搞到好似王祖藍咁就得喇!

  12. 謝拉

    無線專出肥皂劇, 如果拍出嚟同劇集差唔多質素, 我做乜仲要入場睇, 真係唔識見好就收。

  13. nbachung

    pug.agree.電視同電影根本是兩類觀眾.

  14. 套電視其實本身製作質素已夠垃圾,只係部份人物描寫及演譯上救返套劇,有錢就搞好自己質素先,而家”志暈哥”竟然以為揾到寶!將「Laughing哥」變icon 產品發展!簡直再一次送佢一程!!

  15. anson

    我覺得唔需要擔心邱禮濤~之前的系列都拍得好好AR~捧紅了劉美君,之前好似有套野叫又係他拍,不過無上,又有江若琳~

  16. CR

    唔太睇好。

    就算係熟手技工,劇本唔得一樣死。

  17. Bubu

    又一套 “粗製濫造” 港產片誕生..

  18. 豆釘

    迷逃小書童華安 :
    會唔會出番傳統「邵氏logo」先!!!!
    係就好喇!!!

    邵氏對上部戲係05年的「如果‧愛」,不過以’天映娛樂’做招牌。而根據網資料,佢哋計劃翻拍邵氏名片「五毒」及「血滴子」,都講咗幾年,睇怕係告吹居多。

  19. S

    豆釘 :
    而根據網資料,佢哋計劃翻拍邵氏名片「五毒」及「血滴子」,都講咗幾年,睇怕係告吹居多。

    血滴子 比上面 ban o左嘛...

  20. DV

    但今次事件令我想起當年吳鎮宇於古惑仔第一集的角色”land昆”大收歡迎後, 拍過兩套extra電影, 正經的’旺角渣fit人’同’去吧!渣fit人兵團~’….

    希望今次唔好咁樣….

  21. g

    一於拍成 cult 片吧..一個臥底點樣做左9年都無人發覺, 一定好多破盞位自己過左骨或者有d人出手相助..又或者d社團人士表面好小心其實好求其..etc..仲有阿忠同左輪..可以好好玩!!!

  22. S

    DV :
    但今次事件令我想起當年吳鎮宇於古惑仔第一集的角色”land昆”大收歡迎後, 拍過兩套extra電影, 正經的’旺角渣fit人’同’去吧!渣fit人兵團~’….
    希望今次唔好咁樣….

    In fact 渣fit人系列 係好o野o黎咕喎。

  23. Simon

    如果拍到”反收數特遣隊”既質素又唔驅喎~

  24. 艾雲

    果套跑馬地的月光,其實和電視劇一d 關係都無丫,拍得既鬆散又無主題,好呵欠的一部電影

    其實電視和電影是2個 完全不同的市場,電視在慣性收視和免費的誘因下,成功往往較為容易,相反電影觀眾普遍討厭電視明星,覺得平時唔洗錢都可以睇到的人,要畀錢入場覺得好唔值,要好耐時間先可以洗去電視味

  25. itbc

    就算唔睇好都值得一試,試得好電視同電影既交流可能會更多,可能出現相向發展,電影人進入電視圈提高質素,電視圈亦可以擴寬電影觀眾群。

    當然,鄧特希好多年在亞視試過一次類似,慘淡收場,但今次係無線同邵氏,資源同宣傳機械都龐大得多,只要個頭開得唔太差,可能會成香港電影史上重要既段落。

    聽聞邵氏影城會在今年正式開張,將會重整旗鼓拍戲,相信呢個只係故事既開始。

  26. 爛泥

    itbc :
    就算唔睇好都值得一試,試得好電視同電影既交流可能會更多,可能出現相向發展,電影人進入電視圈提高質素,電視圈亦可以擴寬電影觀眾群。
    當然,鄧特希好多年在亞視試過一次類似,慘淡收場,但今次係無線同邵氏,資源同宣傳機械都龐大得多,只要個頭開得唔太差,可能會成香港電影史上重要既段落。
    聽聞邵氏影城會在今年正式開張,將會重整旗鼓拍戲,相信呢個只係故事既開始。

    俠骨仁心呀嘛
    個次票房ok過千萬架(由其是當時港產片已經開始….)有梁朝偉:P

  27. Laughing 哥係卧底,希望有多點三級材料就好!好似卧底被大佬揭穿要行家法果o的…好期待!

  28. shtmanhk

    爛泥 :
    itbc :就算唔睇好都值得一試,試得好電視同電影既交流可能會更多,可能出現相向發展,電影人進入電視圈提高質素,電視圈亦可以擴寬電影觀眾群。當然,鄧特希好多年在亞視試過一次類似,慘淡收場,但今次係無線同邵氏,資源同宣傳機械都龐大得多,只要個頭開得唔太差,可能會成香港電影史上重要既段落。聽聞邵氏影城會在今年正式開張,將會重整旗鼓拍戲,相信呢個只係故事既開始。俠骨仁心呀嘛個次票房ok過千萬架(由其是當…

    票房勁多水份

  29. shtmanhk

    《Laughing哥前傳》易名《變節》
    8月20日上映

    同日對手:

    Inglourious Basterds
    (Quentin Tarantino + Brad Pitt + Mike Myers)

    超鼠特攻 G-Force
    (廸士尼3D)

發佈留言

發佈留言必須填寫的電子郵件地址不會公開。 必填欄位標示為 *